Aýǵanstandaǵy jarylys: 12 adam qaza taýyp, 43-i jaralandy
NUR-SULTAN. QazAqparat - Aýǵanstandaǵy jarylystan 12 adam qaza taýyp, 43 adam jaralandy. Bul týraly búgin Pajhwok agenttigi Twitter-de málim etti, dep xabarlaıdy QazAqparat.
Qaıǵyly oqıǵa Ǵazna provıntsııasynyń ortalyǵy sanalatyn Ǵazna qalasynda bolǵan.
Agenttiktiń xabaryna qaraǵanda, Aýǵanstannyń Ulttyq qaýipsizdik dırektoraty ǵımaratynyń aldynda avtomobıl jarylǵan.
Qaza tapqandardyń segizi qaýipsizdik qyzmetkerleri, taǵy tórteýi beıbit turǵyndar.
Al zardap shekkenderdiń kópshiligi - mektep oqýshylary. Olardyń jaǵdaıy týraly aqparat tym mardymsyz.
Lańkestikke jaýapkershilikti ázirge óńirdegi terrorıstik uıymdardyń eshbiri alǵan joq.
