Aýǵanstandaǵy jaǵdaı kúrdelense kóshi-qon aǵyny kúsheıýi múmkin - V. Bojko
ASTANA. QazAqparat - Aýǵanstandaǵy jaǵdaıdyń ýshyǵý yqtımaldyǵyna oraı kóshi-qon aǵyny kúsheıýi múmkin. Búgin Parlament Senaty Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysynan soń jýrnalısterge bergen suhbatynda Іshki ister mınıstriniń orynbasary Vladımır Bojko osylaı málim etti.
«Biz Aýǵanstandaǵy jaǵdaıdyń kúrdelenip bara jatqanyn, onyń ýshyǵý múmkindigin túsinýge tıispiz. Sondyqtan da, bárine ázir bolýymyz kerek, eń bastysy bizge bosqyndardyń aǵyny jaǵdaıyn da, kóshi-qon protsessteriniń kúsheıý úderisin de qaperde ustaǵan lázim. Memleket osy úderisterdi nazarda ustap otyr, sondyqtan da, bizdiń elimiz úshin osyndaı qaterlerge der kezinde den qoıý mańyzdy», - dedi V. Bojko.
Onyń aıtýynsha, Aýǵanstandaǵy sońǵy oqıǵalar týraly nazardan tys qaldyrmaý kerek. Sondyqtan da, mınıstrlik bul máseleni jiti baqylaýda ustap otyr.
