Aýǵanstandaǵy sý tasqyny: Opat bolǵandar sany 160-qa jetti
NUR-SULTAN. QazAqparat – Aýǵanstandaǵy sý tasqyny saldarynan qaza tapqandardyń sany 160-qa jetti, kem degende 250 adam zardap shekken, dep habarlaıdy QazAqparat TOLOnews telearnasyna silteme jasap.
Apat, ásirese Parvan provıntsııasyna aýyr tıdi. Munda 116 adam opat bolyp, 130- zardap shekti. Sondaı-aq, sý tasqyny Vardak, Gaznı, Kapısa, Kabýl, Lagman, Logar, Nangarhar, Nýrıstan, Paktıka, Paktııa, Pandjsher ı Host provıntsııalarynda da tirkelgen.
Sý tasqyny osy aptadaǵy tolassyz jaýǵan nóser jańbyr saldarynan oryn aldy.
Eldiń tabıǵı apatty joıý jónindegi mınıstrligi zardap shekkenderge kómektesý jumystaryn jalǵastyryp jatyr.
