Aýǵanstandaǵy sý tasqyny qurbandarynyń sany 107 adamǵa jetti
ASTANA. QazAqparat - Aýǵanstannyń soltústigindegi sý tasqynynyń qurbandary kem degende 107 adamǵa jetti, dep habarlady reseılik «Jańalyqtar» agenttigi. Budan buryn 82 adamnyń qazaǵa ushyraǵany habarlanǵan bolatyn.
Sý tasqyny eki kún boıy jaýǵan nóser jańbyrǵa ulasty. Tabıǵat apatynan ásirese Djaýzdjan, Farıab, Badgıs jáne Sarı-Pýl provıntsııalary zardap shekti.
Ókimet oryndarynyń málimetteri boıynsha, Djaýzdjanda 30-dan astam aýyl sýǵa ketken. «Olarǵa kómek jetkizý múmkin emes. Tikushaqpen 1500-ge jýyq adamdy qaýipsiz aýdandarǵa jetkizdik. Qazir úkimetten jáne qutqarý qyzmetterinen shuǵyl kómek kútilýde», - deıdi jergilikti polıtsııa ókili. Onyń aıtýynsha, oqıǵa saldarynan 55 adam qazaǵa ushyrady, 100-den astamy jaralandy. Tártip saqshylarynyń aıtýynsha, qurban bolǵandar sany arta túsýi múmkin.
Farıab provıntsııasynda 40 adam mert boldy jáne 80-nen astamy habar-osharsyz ketkender qatarynda. «Sý tasqyny saldarynan on myń otbasy zardap shekti, eki myńnan astam úı qırady», - dep málimdedi provıntsııa gýbernatory Mohammadýllah Batajn.
