Aýǵanstandaǵy sý tasqyny 20 adamnyń ómirin qıyp ketti, 10-nan astamy iz-túzsiz joǵalǵan
ASTANA. QazAqparat - Senbi kúni Aýǵanstannyń ońtústigindegi Qandaǵar provıntsııasynda sý tasqynynan keminde 20 adam qaza tapty. Bul týraly BUU gýmanıtarlyq máseleler jónindegi úılestirý basqarmasynyń málimetterine siltememen AFP habarlaıdy.
Tasqyn saldarynan Qandaǵar qalasy men onyń mańaıyndaǵy aýdandar sýdyń astynda qaldy.
«Kem degende 10 adam iz-túzsiz joǵalyp ketti. Onyń ishinde balalar da bar. Apat aımaqtarynda 2 myńǵa jýyq úıge zaqym kelgen. Sonyń ishinde Qandaǵar qalasynyń ınfraqurylymyna edáýir soqqy tıdi», - delingen uıym taratqan málimdemede.
Qandaǵar provıntsııasy gýbernatorynyń orynbasary Abdýl Hananan Monıbtiń aıtýynsha, bul sońǵy jeti jyldyń ishindegi eń joıqyn tasqyn.
«Juma kúni bastalǵan apat aımaqtaryndaǵy 400 otbasyna áskerıler kómek kórsetti», - dedi ol.
