Aýǵanstandaǵy stadıonda qatarynan úsh jarylys boldy
ASTANA. QazAqparat - Aýǵanstannyń shyǵysynda ornalasqan Nangarhar provıntsııasynyń Djalalabad qalasyndaǵy stadıonda qatarynan úsh ret jarylys bolyp, kem degende segiz adamnyń ómirin qıdy. Bul jaıly aqparatty jergilikti resmı tulǵalar rastady dep habarlaıdy QazAqparat.
TOLOnews-tiń habarlaýynsha, provıntsııa gýbernatory Attaýlla Hodjanı jarylystar stadıonǵa krıket matchyn tamashalaýǵa kórermender jınalǵan sátte bolǵanyn málimdegen.
Onyń aıtýynsha, jarylystardyń saldarynan 45 adam jaralanǵan.
Qaza tapqandar arasynda týrnırdiń uıymdastyrýshysy Hedaıatýlla Zahır men Lagman provıntsııasyndaǵy Mehtarlam qalasy meriniń orynbasary doktor Nıkmal da bar ekeni týraly habar taraǵan.
Qasıetti Ramazan aıynyń bastalýyna oraı matchta jergilikti komandalar oınap jatqan.
«Talıban» qozǵalysy Djalalabad qalasynda bolǵan osy jarylystarǵa qatysy joq ekenin aıtyp otyr.
