22:11, 12 Shilde 2021 | GMT +6
Aýǵanstandaǵy reseılik dıplomattar Ózbekstanǵa evakýatsııalandy
TAShKENT. QazAqparat – Aýǵanstandaǵy Reseıdiń bas konsýldyǵynyń qyzmetkerleri Ózbekstanǵa evakýatsııalandy, dep habarlaıdy QazAqparattyń Ózbekstandaǵy menshikti tilshisi.
Ózbekstannyń syrtqy vedomstvasy taratqan málimetke qaraǵanda, Aýǵanstannyń Haıraton qalasyndaǵy Reseıdiń bas konsýldyǵynyń dıplomattary Ózbekstanǵa aýystyryldy. Bul shara reseılik qyzmetkerlerdiń qaýipsizdigi úshin jasalǵan.
«Aýǵanstannyń Haıraton qalasyndaǵy Reseıdiń bas konsýldyǵynyń qyzmetkerleri Ózbekstan aýmaǵyna jetkizildi», - dedi Ózbekstan Syrtqy ister mınıstrliginiń resmı ókili ıÝsýp Kabýljanov.
Eske salsaq, Aýǵanstandaǵy jaǵdaı kúrdelenip Aýǵanstannyń qarýly áskerıleri Ózbekstan men Tájikstan aýmaǵyna ótip ketken edi. «Talıban» qozǵalysy Aýǵanstandaǵy kóptegen jerlerdi basyp aldy.