Aýǵanstandaǵy prezıdent saılaýyna halyqtyń 58 paıyzy qatysty

Bul atalmysh eldiń ortalyq saılaý komıssııasy taratqan málimetter, dep habarlaıdy VVS.

Bıýlletenderdi sanaý búgin bastalyp, 20 sáýirge deıin jalǵasady. Aldyn ala nátıjeler 24 sáýirde jarııalanady.

Qazirgi Aýǵanstan prezıdenti Hamıd Karzaı eldi tálibter rejıminiń qulaǵan kezi 2001 jyldan beri basqaryp keledi jáne onyń úshinshi merzimge saılaýǵa túsýine quqyǵy joq. Jalpy alǵanda saılaýǵa degen kópshiliktiń nazary, sonymen birge, jańa prezıdentke eldi aǵymdaǵy jyldyń sońyna qaraı halyqaralyq koalıtsııanyń áskerin birjola elden shyǵarý qarsańyndaǵy kezeńde basqarý mindeti artylatyndyǵymen túsindiriledi. Jańa basshy eldegi derbes qaýipsizdikti qamtamasyz etý máselesin sheshetin bolady.

Osy saılaýda jeńisten úmitti úsh kandıdat bar - Rasýl Zalmaı, burynǵy qarjy mınıstri Ashraf Ǵanı men burynǵy syrtqy ister mınıstri Abdýlla Abdýlla. Eger senbi kúngi daýys berýden keıin kandıdattardyń eshqaısysy 50 paıyzdan artyq daýys jınamasa, onda 28 mamyrǵa josparlanǵan ekinshi kezeńi ótkiziledi.

.