Aýǵanstandaǵy qýatty jer silkinisinen qaza tapqandar sany 100-ge jetip jyǵyldy
ASTANA. QazAqparat - Aýǵanstan aýmaǵynda bolǵan qýatty jer silkinisiniń saldarynan Aýǵanstan, Pákistan, Úndistan eliniń soltústiginiń turǵyndary zardap shekti. Jer silkinisiniń dúmpýlerin sondaı-aq ortalyqazııalyq elderdiń turǵyndary da sezingen.
Jer silkinisiniń saldary tıgen barlyq elderden ondaǵan adam qaza tapqany jáne jaraqattanǵany týraly aqparat kelip túsýde. Pákistanda zilzala kem degende 50 adamnyń ómirin qıyp ketken, Aýǵanstanda shamamen 20 adam kóz jumdy. Qaza tapqandardyń sany júzden asýy múmkin.
Aýǵanstannyń Tahar provıntsııasynda jer silkinisi kezinde mektepte bolǵan keptelis saldarynan 12 oqýshy qyz qaza taýyp, taǵy 25 qyz jaraqattandy. Sondaı-aq aýǵandyq Jalalabad qalasynda qaza tapqan bes adam týraly habarlanyp otyr.
Pákistanda qaza tapqandar týraly aqparattyń kóbi eldiń soltústik bóliginen kelip túsýde. Kommýnıkatsııa men ınfraqurylymnyń jetispeýshiliginen ol aýdandarda qaza tapqan adamdardyń sany óte joǵary bolýy múmkin, dep jazady Bı-bı-sı.
