Aýǵanstandaǵy ishki saıası jaǵdaı kúrdeli bolyp qala beredi
ASTANA. QazAqparat - Aýǵanstandaǵy ishki saıası jaǵdaı kúrdeli bolyp qala beredi. Bul týraly Qazaqstannyń strategııalyq zertteýler ınstıtýtynyń dırektory Erlan Qarın málim etti, dep habarlaıdy QazAqparat.
«Negizgi syn-qaterler kóp jaǵdaıda eldiń soltústigi, shyǵysy men ońtústigindegi shekaralas aımaqtardaǵy «Talıban» qozǵalysynyń áskerı belsendiligine, sonymen qatar DAISh pen ál-Kaıdanyń belgili bir jaqtastarynyń bolýyna baılanysty týyndaýy múmkin», - dedi Qarın.
Onyń atap ótýinshe, eldegi elıta ishinde jalǵasyp jatqan tartystarmen qosa, 2015 jyly ótýi tıis bolǵan parlamenttik jáne jergilikti saılaýlar 2016 jylǵa, odan keıin 2017 jylǵa qaldyrylyp otyr. Buǵan qosa, ol saılaýlardyń aǵymdaǵy jyly ótýiniń ózi kúmándi bolyp otyr.
«Bul saılaýlar ótken kúnniń ózinde eldegi saıası kúres odan ary qyza túsetindigi belgili bolyp otyr», - dedi QISI dırektory.
Onyń paıymynsha, Aýǵanstannyń áskerı-saıası turaqsyzdyq jaǵdaıy negizgi syrtqy oıynshylardyń nazarynan tys qalmaıdy. Sol sebepti bul másele aımaqtyq qaýipsizdiktiń kún tártibinde ózekti bola túsedi.
