Aýǵanstandaǵy avıaapatynda NATO-nyń 4 áskerı qyzmetkeri mert boldy
ASTANA. 28 sáýir. QazAqparat - Aýǵanstanda Qaýipsizdikke járdemdesý halyqaralyq kúshteriniń ushaǵy apatqa ushyrady, dep habarlady RBK.
Soltústikatlantıkalyq alıans qolbasshylyǵy oqıǵa saldarynan NATO-nyń tórt áskerı qyzmetshisi qaza bolǵanyn málim etti.
Associated Press agenttiginiń habarlaýynsha, oqıǵa Aýǵanstannyń ońtústiginde Kandagar qalasynyń mańynda bolǵan. Aldyn ala málimetterge qaraǵanda, apat kezinde sodyrlardyń belsendiligi baıqalmaǵan.
Oqıǵanyń basqa jaı-japsaryn jáne qaza bolǵandardyń qaı ultqa jatatynyn qolbasshylyq ázirshe jarııalaǵan joq. Jaqynda ǵana «kóktemgi shabýyl» bastalǵany týraly jarııalaǵan Talıban qozǵalysy tarapynan da málimdeme jasalǵan joq.
Sońǵy aıda Aýǵanstandaǵy NATO kúshteri eki tikushaǵynan aıyryldy, olardyń bortynda 7 adam bolǵan edi. Eki jaǵdaıda da apattyń sebei aýa raıynyń nasharlaýynan nemese tehnıkalyq problemalardan oryn alǵany aıtyldy.
