Aýǵanstandaǵy apat: Shahtada qurban bolǵandar sany 40 adamǵa jetti
ASTANA. QazAqparat - Aýǵanstannyń soltústiginde altyn óndiretin shahtada topyraqtyń opyrylyp qulaýy saldarynan qurban bolǵandar sany 40 adamǵa jetti, dep habarlaıdy TASS Sky News Arabia telearnasyna silteme jasap.
Qaıǵyly oqıǵa jeksenbi kúni tańerteń Badahshan provıntsııasynyń Kohıstan aýdanynda boldy. Qutqarýshylar jerastynan 15 adamdy alyp shyqqan, olardyń kóbi jaraqat alǵan, jaǵdaılary aýyr.
Apat bolǵan kezde shahtada 50 adam bolǵan degen habar tarap jatyr.
Pajhwok agenttiginiń jergilikti bılik ókilderine silteme jasap taratqan málimetine saı, qurban bolǵandar - zańsyz túrde altyn qazýmen aınalysqan jergilikti turǵyndar.
Badahshanda úshinshi kún qatarynan tolassyz qar jaýyp tur. Qalyń jaýǵan qardy kótere almaı shahtadaǵy túnelderdiń tóbesi qulaǵan.
