Aýǵanstandaǵy joıqyn jer silkinisiniń qurbandary 500-den asty

ASTANA. KAZINFORM — Aýǵanstan memlekettik tele-radıokompanııasynyń habarlaýynsha, shamamen 1000 adam jaraqat aldy, dep jazady DW.

Magnıtýdasy 6-ǵa jetetin jer silkinisi eldiń soltústik-shyǵysyndaǵy Kýnar provıntsııasynda, Pákistanmen shekaraǵa jaqyn jerde jeksenbi kúni jergilikti ýaqytpen 23:47-de boldy, dep habarlady Nemis Jerdi zertteý ortalyǵy.

Odan keıin áldeqaıda az qýatty dúmpýler tirkeldi.

Aýǵanstan bıligi zardap shekkenderge kómek kórsetý qıyn bolǵanyn, sebebi bul aımaqqa jetý qıyn ekenin aıtty.

Eki jyl buryn Aýǵanstanda magnıtýdasy 6,3-ke jetetin jer silkinisi bolyp, BUU málimeti boıynsha shamamen 1500 adam qaza tapqan edi.

Buǵan deıin Aýǵanstandaǵy jer silkinisiniń qurbandary 250-den asqany habarlanǵan bolatyn.