Aýǵanstandaǵy jer silkinisinen qaza tapqandar sany 1100-den asty

ASTANA. KAZINFORM – Aýǵanstanda sońǵy onjyldyqtardaǵy eń kúshti jer silkinisinen qaza tapqandar sany 1100-den asty. Bul týraly Aýǵan Qyzyl Jarty Aı qoǵamy habarlady, dep jazady BBC.

Aldyn ala málimetke sáıkes, qaza tapqandardyń naqty sany – 1124 adam.

Sondaı-aq keminde 3251 adam jaraqat alyp, 8000-nan astam úı qıraǵan.

Qutqarý jasaqtary qırandylar astynan aman qalǵandardy izdestirýdi jalǵastyryp jatyr.

Taýly óńirlerdegi jaǵdaı kúrdeli bolǵandyqtan, keıbir eldi mekenderge tek áýe arqyly ǵana jetý múmkin bolyp otyr.

Kóptegen turǵyndar apattan keıingi túndi ashyq aspan astynda ótkizýge májbúr boldy.

Batys elderi zardap shekken aımaqtarǵa gýmanıtarlyq kómek kórsetýge daıyn ekenin málimdedi.

Aıta keteıik, Prezıdent Qasym-Jomart Toqaev Aýǵanstan basshylyǵyna eldegi qaıǵyly jaǵdaıǵa baılanysty kóńil aıtty.