Aýǵanstandaǵy jer silkinisinen qaza bolǵandar sany 1411 adamǵa jetti
ASTANA. KAZINFORM – Aýǵanstanda 5,2 magnıtýdalyq taǵy bir jer silkinisi boldy. Jerasty dúmpýleri Djelalabadtan soltústik-shyǵysqa qaraı 34 km qashyqtyqta, jergilikti ýaqyt boıynsha saǵat 15:29-da boldy, dep habarlaıdy Anadolu.
AQSh geologııalyq qazmetiniń málimetterinshe, jerasty dúmpýleriniń tereńdigi 10 km-di quraǵan. Ázirge qalanyń mert bolǵandar men jaraqat alǵan turǵyndary týraly málimetter naqtylanbaǵan.
Aýǵanstannyń shyǵysyndaǵy Kýnar provıntsııasynda jeksenbiniń keshinde tirkelgen 6 magnıtýdalyq joıqyn jer silkinisinen keıin jańa dúmpýler boldy. Aldyn ala málimetke sáıkes, jaraqat alǵandar sany 1411 adamǵa jetti. Ýaqytsha úkimettiń ókili Zabıhýlla Mýjahıdtiń habarlaýynsha, zardap shekkenderdiń jalpy sany 3124 adamǵa deıin ósken.
Onyń aıtýynsha, jer silkinisi saldarynan 5412 úı qıraǵan. Al Aýǵan Qyzyl Jarty Aı qoǵamy úsh shyǵys provıntsııada 8 myńnan astam úıdiń qıraǵanyn málimdedi. Kóptegen adamdar úıindi astynda qalyp, qutqarý jumystary júrip jatyr.
Bılik ókilderi evakýatsııa júrgizilip jatqanyn, sondyqtan qaza tapqandar men jaralanǵandar sany ózgerýi múmkin ekenin atap ótti. Jer silkinisinen týyndaǵan kóshkinder keıbir joldardy jaýyp qalǵan, qazir sol joldar tazartylyp jatyr. Qutqarýshylar júzdegen adamdy izdep jatyr, alaıda taýly jer bederi men qolaısyz aýa raıy keı aýyldarǵa jetýdi qıyndatyp otyr.
Jergilikti turǵyndar da qutqarý jumystaryna belsendi atsalysyp, úıindi astynan shyǵarylǵan jaraly adamdar tikushaqpen aýrýhanalarǵa jóneltilýe.
Aýǵan bıliginiń halyqaralyq kómek týraly ótinishinen keıin Úndistan, Shveıtsarııa, Qytaı jáne Ulybrıtanııa qosa alǵanda birneshe memleket zardap shekken aımaqqa gýmanıtarlyq júk jóneltýge daıyn ekenin málimdedi.
BUU Balalar qory (ıÝNISEF) qıraǵan aýdandarǵa 2000 gýmanıtarlyq kómek jibergenin habarlady. Oǵan gıgıenalyq quraldar, jyly kıim, kórpe jáne baspanasyz qalǵan otbasylarǵa arnalǵan as úı jabdyqtary kiredi.
Osyǵan deıin Aýǵanstandaǵy jer silkinisinen qaza tapqandar sany 1100-den asqany týraly jazdyq.