Aýǵanstandaǵy jer silkinisi: 120-dan astam adam mert bolyp, myńnan astamy jaraqat aldy

Aýǵanstannyń batysynda qýatty jer silkinisi boldy. Zilzala qurbandarynyń sany ósýi múmkin, kóp adam qırandylar astynda jatyr, dep habarlaıdy QazAqparat Euronews agenttigine silteme jasap.

Jergilikti bıliktiń habarlaýynsha, Aýǵanstannyń batysyndaǵy Gerat provıntsııasynda jer silkinip, keminde 120 adam mert bolǵan, myńnan astam adam jaraqat alǵan.

Qurban bolǵandar men jaraqat alǵandar sany ósýi múmkin. Óıtkeni kóp adam áli qırandylar astynda jatyr.

Zilzaladan ásirese Zenda Djan aýdanyndaǵy 4 aýyl qatty zardap shekti, onda ondaǵan úıge zaqym kelgen.

AQSh geologııalyq qyzmetiniń málimetteri boıynsha, senbi kúni osy aýdanda 6.3 magnıtýdaly dúmpý bolǵan. Zilzalanyń oshaǵy Gerat qalasynan soltústik-batysqa qaraı 40 km qashyqtyqta jatyr.