Aýǵanstandaǵy sý tasqynynan 77 adam kóz jumdy
ASTANA. KAZINFORM — Aýǵanstan bıligi sońǵy on kúnde tolasyz jaýǵan jańbyr sý tasqyny men kóshkin týdyryp, saldarynan 77 adam qaza taýyp, taǵy 137 adam jaraqat alǵanyn habarlady. Bul týraly NBC News agenttigi jazdy.
Apattarǵa qarsy kúres basqarmasynyń málimetinshe, tabıǵı apat elge úlken zııan keltirip, 793 úı tolyǵymen qırap, taǵy 2673 baspana búlindi. Sondaı-aq sý tasqyny shamamen 337 shaqyrym joldy buzyp ótti. Kásiporyndar, aýyl sharýashylyq jerleri men sýarý júıeleri zardap shekti, bul 5800-den astam otbasyna áser etti.
Sınoptıkter aldaǵy kúnderi de el boıynsha aýa raıy jaýyn-shashyndy bolatynyn habarlady. Osyǵan baılanysty bılik turǵyndardy sý tasqyny qaýpi bar ózender men aýdandardyń jaǵalaýlarynan aýlaq bolýǵa shaqyrdy.
Sý tasqyny men kóshkinnen el astanasyn aımaqtarmen baılanystyratyn negizgi magıstraldar da qırady.
Eń kedeı elderdiń biri jáne aýa raıynyń qolaısyzdyǵyna óte osal Aýǵanstanda mundaı apat alǵash ret emes. Elde buǵan deıin qalyń qar jaýyp, sý tasqynynan biraz adam mert bolǵan.
Aıta keteıik, Aýǵanstanda aýa raıynyń qolaısyzdyǵynan 17 adam qaza tapty.