Aýǵanstandaǵy sý tasqynynan 100-den astam adam habar-osharsyz ketti
ASTANA.KAZINFORM - Aýǵanstan shyǵysyndaǵy Nýrıstan provıntsııasynda mýsson jańbyrynan bolǵan sý tasqyny kem degende 20 adamnyń ómirin qıdy. 100-den astam adam habar-osharsyz ketti, dep habarlaıdy Al Jazeera.
Dúısenbi kúni bastalǵan sý tasqyny provıntsııa ortalyǵy Parýn qalasyndaǵy úıler men dúkenderdi jappaı qıratty. Qala meri de habar-osharsyz ketkender qatarynda.
Talıbannyń meteorologııalyq basqarmasy sársenbige deıin eldiń 34 provıntsııasynyń 10-ynda nóser jaýyn men sý tasqyny jalǵasatynyn eskertti. Al bılik turǵyndarǵa ózen jaǵalaýlary men sý tasqyny qaýpi bar aımaqtardan aýlaq bolýǵa keńes berdi.
Pákistanmen shekaralas shyǵystaǵy Nýrıstan provıntsııasy jasyl alqaptarymen, jasyl ormandarymen jáne móldir ózenderimen tanymal.
Aýǵanstannyń Qorshaǵan ortany qorǵaý agenttiginiń basshysy Mavlavı Matıýl Hak Halıs osy aıda elde sý tasqyny jıilep ketkenin aıtyp, ekologııalyq máseleler «gýmanıtarlyq daǵdarysqa» yqpal etkenin eskertti.
Kórshiles Pákistan men Úndistan sııaqty Aýǵanstan da aýa raıynyń qolaısyz jaǵdaılaryna, ásirese maýsymdyq jańbyrlarǵa tótep berýge osal.
Biz buǵan deıin Aýǵanstan álemdegi eń iri gýmanıtarlyq daǵdarysty bastan keshirip jatqanyn habarlaǵan edik.
