Aýǵanstanda zına jasady degen aıyppen óltirilgen áıeldiń jaqtastary narazylyq tanytty

BUU-nyń Aýǵanstandaǵy ókildiginiń aldynda bolǵan narazylyqqa parlamenttegi birneshe áıel depýtattar da qosyldy. Bul týraly Azattyq habarlaıdy.

Buǵan deıin Aýǵanstanda Parvan ýálaıatynda zına jasady degen aıyppen 22 jastaǵy Nadjıba esimdi áıeldi jurttyń kózinshe atqan vıdeo tarap ketken edi.

Aýǵanstannyń áıelder isi jónindegi mınıstrligi búgingi narazylyqty "únsiz qarsylyq" dep atady. 

Aýǵanstan bıligi oqıǵaǵa Talıban uıymyn aıyptady. Talıban bolsa áıeldiń atylýyna óziniń qatysy joq ekenin málimdep, onyń sharıǵat zańy boıynsha sottalmaǵanyn aıtty. 

Prezıdent Hamıd Karzaı oqıǵany "ıslamǵa qaıshy jáne keshirilmeıtin qylmys" dep aıyptady.