Aýǵanstanda jolaýshylar ushaǵy apatqa ushyrady
NUR-SULTAN. QazAqparat – Aýǵanstannyń shyǵysyndaǵy Gaznı provıntsııasynda Ariana Afghan Airlines áýekompanııasynyń ushaǵy apatqa ushyrady. Bul týraly QazAqparat BBC agenttigine silteme jasap habarlaıdy.
1TV aýǵanstan telearnasynyń habarlaýynsha, qazirgi málimetter boıynsha ushaq bortynda 83 adam bolǵan.
Tolo News basylymynyń aıtýynsha, áýe kemesi «Talıban» qozǵalysy aýmaǵyna qulaǵan.
Ushaq Dýbaıdan Kandagarǵa baǵyt alǵan.
Aıta keterligi, Ariana Afghan Airlines Aýǵanstan ulttyq áýe kompanııasynyń ókilderi Gaznı provıntsııasyndaǵy laınerdiń apatqa ushyraǵany týraly habarlamany joqqa shyǵardy. Bul týraly Ariana New s agenttigine silteme jasap TASS habarlady.
Agenttiktiń habarlaýynsha, kompanııa dırektornyń mindetin atqarýshy Mırvaz Mırzakval Gaznı provıntsııasyndaǵy kompanııa ushaǵynyń apatqa ushyraǵanyn joqqa shyǵardy.
Buǵan deıin agenttik dúısenbi kúni Aýǵanstannyń shyǵysyndaǵy Gaznı provıntsııasynda Ariana Afghan Airlines áýekompanııasynyń ushaǵy apatqa ushyraǵany habarlaǵan edi.
Bir derek kózinde laıner Kabýldyń Gerat qalasynan ushyp shyqqan. Bortynda 110 adam bolǵan. Taǵy bir derekte ushaq Gerattan Úndistannyń Nıý-Delı qalasyna bara jatqany habarlandy.
