Aýǵanstanda jer silkinisinen 2053 adam qaza tapty

«Talıban» ókilderiniń málimetinshe, Aýǵanstannyń batysyndaǵy Gerat provıntsııasyndaǵy qýatty jer silkinisi saldarynan 2053 adam qaza taýyp, 9 myńnan astam adam jaraqat alǵan. QazAqparat bul týraly Reuters-ke silteme jasap habarlaıdy.

Eldiń batysynda senbi kúni bolǵan 6,3 baldyq jer silkinisi sońǵy 20 jyldaǵy eń joıqyn zilzala boldy.

Eldiń tabıǵı apattar mınıstrliginiń resmı ókili, molda Djanan Saıktiń Reuters agenttigine aıtýynsha, jer silkinisinen 2053 adam qaza taýyp, 9240 adam jaraqat alǵan. 1329 úı ishinara zaqymdanǵan nemese qıraǵan.

Qurban bolǵan 200-den astam adamnyń denesi túrli aýrýhanalarǵa jetkizildi. Olardyń kópshiligi - áıelder men balalar.

AQSh Geologııalyq qyzmetiniń málimetinshe, zilzala oshaǵy Gerat qalasynan soltústik-batysqa qaraı 40 shaqyrymdaı (25 mıl) jerde bolǵan. Odan keıin magnıtýdasy 6,3, 5,9 jáne 5,5 óte qýatty úsh jerasty dúmpýi boldy, dep habarlaıdy AP.

Aqparat jáne mádenıet mınıstrliginiń ókili Abdýl Vahıd Raıannyń aıtýynsha, provıntsııada shamamen alty kent qırap, júzdegen turǵyn úıindi astynda qaldy.

Gerat qalasynda túske taman kem degende bes kúshti jerasty dúmpýi boldy, deıdi jergilikti turǵyndar.

Aýǵanstandaǵy Dúnıejúzilik densaýlyq saqtaý uıymynyń málimetinshe, zardap shekkenderdi aýrýhanalarǵa evakýatsııalaý úshin Gerat provıntsııasynyń Zenda ıAn aýdanyna 12 jedel járdem kóligi jiberildi.

Provıntsııada telefon baılanysy úzilip, zardap shekken aýdandardan tolyq aqparat alý qıynǵa soqty.