Aýǵanstanda jaýǵan qar men aıaz saldarynan 3 adam qaza tapty
FAIZABAD. KAZINFORM – Aýǵanstannyń soltústigindegi Badahshan provıntsııasynda qalyń jaýǵan qar men aıaz úsh adamnyń ómirin qıdy, dep jazady Sınhýa.
Bul týraly senbi kúni oblystyń aqparat jáne mádenıet departamentiniń dırektory Hekmatýlla Mohammadı málimdedi.
Onyń aıtýynsha, juma kúni kúndiz Raǵystan aýdanyndaǵy Navabad aýylynda qaıǵyly oqıǵa bolǵan: úsh bala basqa aýylǵa ketip bara jatyp, qalyń qar men sýyqtyń saldarynan jolda qaıtys bolǵan.
Sondaı-aq, qalyń qar men aıaz keı jerlerde kólik keptelisine ákeldi, sonyń ishinde Kabýldy soltústiktegi toǵyz provıntsııamen jáne Ortalyq Azııa elderimen baılanystyratyn mańyzdy jol bolyp tabylatyn Salang asýy da bar.
Badahshanda jyl saıyn qatty aıaz bolyp, qar jaýady, bul halyq úshin kúrdeli máseleler týǵyzady.
Aıta keteıik, budan buryn Grýzııadaǵy sherýler kezinde 100-den asa adam qamaýǵa alynyp, 10 polıtseı jaraqat alǵany habarlandy.