Aýǵanstanda jarylys saldarynan keminde 40 adam mert boldy
ASTANA. QazAqparat - Aýǵanstanda jarylys saldarynan keminde 40 adam mert boldy, dep habarlady sheteldik BAQ.
Aýǵan bıligi taratqan aqparattarǵa qaraǵanda, eldiń shyǵysyndaǵy Paktıka ólkesindegi bazarlardyń birinde jankeshti ózin jaryp jiberip, sonyń saldarynan keminde 40 adam qaza tapqan, jaralanǵandardyń da qarasy qalyń.
Ázirshe, bul shabýyldy eshkim moıynyna alyp otyrǵan joq. Kýágerlerdiń aıtýyna qaraǵanda, polıtsııa men qaýipsizdik kúshteriniń qyzmetkerleri kúdiktini ańdyp kele jatqan. Al kúdikti bazarǵa kirgennen keıin jarylǵysh qurylǵyny iske qosqan.
VVS-diń aqparatyna qaraǵanda, Pákistanmen shektes Paktıka ólkesi «Hakkanı» áskerılengen tobynyń uıasyna aınalǵan jer, onda jıi shabýyl oryn alyp turady.
