Aýǵanstanda jarylys kezinde eki adam qaza tapty
KABÝL. QazAqparat – Aýǵanstanda Jelalabad qalasynyń «Talıban» baqylaýyndaǵy shyǵys bóliginde jarylys bolyp, eki beıbit turǵan qaza tapty, dep habarlaıdy QazAqparat Anadoly agenttigine silteme jasap.
Jelalabadtaǵy memlekettik aýrýhananyń habarlaýynsha, qalanyń besinshi aýdanynda Talıban kúshterine tıesili kólik jarylǵan. Kýágerlerdiń aıtýynsha, jarylys saldarynan bes-alty adam jaraqat alǵan. Olardyń qatarynda tálipterde bar.
Teraktini ázirge qarýly toptardyń eshqaısysy moınyna almady. Buǵan deıin Jelalabadta jarylystan eki adam óldi. Osylaısha sońǵy eki kúnde Aýǵanstandaǵy DAISh (Qazaqstanda tyıym salynǵan) sodyrlarynyń mekeni sanalatyn Jelalabadta eki terakti jasaldy.
