Aýǵanstanda jarylys bolyp, 9 bala kóz jumdy
KABÝL. ANADOLY-QazAqparat – Aýǵanstannyń Tahar provıntsııasynyń Dakar aýdanynda jarylys bolyp, toǵyz bala qaza tapty. Bul týraly Anadoly agenttigi atalmysh eldiń qaýipsizdik kúshterindegi derekkózge silteme jasap habarlaıdy.
Joldyń jıegine ornatylǵan jarylys qurylǵysy sol mańnan oqýshylar ótip bara jatqan kezde iske qosylǵan. Saldarynan toǵyz bala mert bolyp, taǵy biri jaraqat aldy.
Jergilikti bılik qurylǵyny «Talıban» qozǵalysynyń sodyrlary ornatqanyn aıtýda.
Talıbter bolǵan oqıǵaǵa qatysty ázirge túsinik bergen joq.
