Aýǵanstanda jankeshti ózin-ózi jaryp jiberdi, japa shekkender bar
ASTANA. QazAqparat - Aýǵanstannyń ońtústigindegi polıtsııanyń jattyǵý ortalyǵynyń mańynda jankeshti lańkes ózin-ózi jardy. Eń kemi tórt adam qaza tapty, onnan astamy jaraqattandy, dep senbi kúni Khaama Press agenttigi qaýipsizdik qurylymdaryndaǵy aqparat kózine silteme jasap habarlady.
Jarylys búgin tańerteń boldy. Boljam boıynsha, jankeshti avtomobılge ornatylǵan qoldan jasalǵan jarylǵysh zatyn iske qosqan.
Jarylys úshin jaýapkershilikti «Talıban» radıkaldy toby moınyna aldy, dep habarlady RIA Novostı.
Aýǵanstandaǵy jaǵdaı sońǵy aılarda kúrt nasharlady. Osyǵan deıin eldiń aýyldy aımaqtaryndaǵy aýqymdy aýmaqty basyp alǵan «Talıban» radıkaldy qozǵalysy iri qalalarǵa shabýyl jasaı bastady. Sondaı-aq el aýmaǵynda «Islam memleketi» radıkaldy tobynyń yqpaly arta tústi.
