Aýǵanstanda ustalǵan sodyrlar Qazaqstan men Túrkmenstannan kelgenin aıtýda
ASTANA. QazAqparat - Aýǵanstannyń soltústigindegi Sarı-Pýl provıntsııasynda ustalǵan lańkester Qazaqstan men Túrkmenstannan kelgenderin málimdedi.
Bul týraly Afghannews aqparat agenttigi habarlady.
Túngi operatsııa barysynda eki er adam ustaldy. Provıntsııa gýbernatory Mýhammad Zahır Vahdattyń aıtýynsha, operatsııa kezinde 4 aýǵan talıbiniń kózi joıyldy jáne bir aýǵandyq sodyr jaralandy.
Ózderin Qazaqstan men Túrkmenstannan kelgendigin málimdegen sodyrlardyń aty-jónderi Demır Zenlıev ( Demir Zenliyov) pen Abdýl Matın (Abdul Mateen) ekeni anyqtaldy.
Tutqyndalǵan lańkesterdiń aıtýynsha, olar jankeshtiler shabýylyn uıymdastyrý boıynsha sarapshylar jáne jergilikti sodyrlarǵa járdem berý úshin Aýǵanstanǵa kelgen. Basylym Aýǵanstanda sheteldik sodyrlardyń - «Islam memleketi» tobynyń jaqtaýshylary belsendi bola túskenin atap ótýde.
