Aýǵanstanda ushqyshsyz ushaq soqqysymen IM-niń 17 sodyry mert boldy
ASTANA. QazAqparat - Pákistan shekarasy mańynda Nangarharn provıntsııasynda amerıkandyq ushqyshsyz ushaqtyń avıasoqqysymen «Islam memleketi» ekstremıstik tobynyń keminde 17 sodyry jer jastandy. Avıasoqqy kezinde IM sodyrlary «Talıban» qozǵalysynyń jeti sodyryn óltirýge ázirlenip jatqanyn áńgimeledi provıntsııa gýbernatorynyń baspasóz hatshysy, dep habarlady Bı-bı-sı.
Aýǵandyq BAQ-tyń habarlaryna qaraǵanda avıasoqqy kezinde eki beıbit azamat jaralanǵan. Bul týraly jergilikti sheneýnikterge silteme jasap pákistandyq BAQ ta habarlady. Alaıda AQSh armııasynan eshqandaı túsindirme túsken joq.
«Talıban» qozǵalysy 2015 jyly qańtarda IM Horasan provıntsııasynda óziniń bólimshesin qurǵannan keıin qarsy shabýylǵa shyqqan bolatyn, bul qurylym Aýǵanstannyń barlyq aýmaǵynda, sondaı-aq Pákistan men Irannyń, Orta Azııa elderiniń shekaralyq aımaqtarynda áreket etýde.
Sarapshylardyń kórsetýinshe, Aýǵanstandaǵy IM qarýly jaqtastarynyń sany ázirge onsha kóp emes. Aýǵandyq barlaý qyzmeti málimetteri boıynsha, uıymǵa berilgen jaýyngerlerdiń sany elde 3000-ǵa jetýi múmkin. Aýǵanstanda sondaı-aq «Islam memleketi» týraly nasıhat taratatyn radıostansa jumys isteıdi.
