Aýǵanstanda ÚEU-da jumys isteýge tyıym salyndy

ANKARA. Anadoly- QazAqparat – BUU Bas hatshysy Antonıý Gýterrısh Aýǵanstanda áıelderdiń úkimettik emes uıymdarda jumys isteýine tyıym salynǵanyna alańdaýshylyq bildirdi. Bul týraly halyqaralyq uıym ókili Stefana Dıýjarrıktiń málimdemesinde aıtylǵan, dep habarlaıdy Anadoly.

«Bul sheshim áıelder men qyzdarǵa kómektesetin kóptegen uıymdardyń jumysyna zııan keltiredi. Aýǵan áıelderiniń adamdar ómirin saqtap qalý jolynda halyqaralyq qaýymdastyqpen jumys isteýine tyıym salý Aýǵanstan halqyna budan da kóp qasiret ákeledi», - dedi S.Dıýjarrık.

Aıta keteıik Talıban bılikke kelgennen keıin aýǵanstandyq áıelderge tyıym kúsheıdi. Endi aýǵandyq áıelder saıabaqta qydyra almaıdy jáne ýnıversıtetterde oqı almaıdy.

Foto: Anadoly agenttigi