Aýǵanstanda túrmege shabýyl jasalyp, 20 adam mert boldy
NUR-SULTAN. QazAqparat – Aýǵanstannyń shyǵysyndaǵy Nangarhar provıntsııasynyń ákimshilik ortalyǵy Jalalabad qalasynyń túrmesine shabýyl jasalyp, saldarynan kem degende 20 adam qaza tapty. Bul týraly QazAqparat 1TV telearnasyna silteme jasap habarlaıdy.
Buǵan deıin TOLOnews telearnasy oqıǵa saldarynan bes adamnyń mert bolyp, 42 adamnyń zardap shekken týraly habarlaǵan edi.
1TV arnasynyń málimetinshe, jankeshti Jalalabadtaǵy túrmeniń qasynda turǵan avtomobıldi jaryp jibergen. Al TOLOnews-tiń oqıǵanyń izi sýymaı habarlaýynsha, sodyrlar jarylysty paıdalanyp, ǵımarattyń ishine kirip ketken.
Qaqtyǵystar dúısenbiniń tańyna deıin jalǵasty, shabýyl jasaǵan bes sodyr óltirildi. Ataýy belgisiz taǵy bir aqparat kóziniń málimetinshe, shabýyl kezinde túzeý mekemesinen qashyp ketpekke árekettengen 700 sottalýshy ustalǵan.
