Aýǵanstanda tolassyz jaýynnan keıingi tasqynnan 50 adam mert boldy

ASTANA. KAZINFORM — Aýǵanstannyń soltústik-shyǵysyndaǵy Baǵlan provıntsııasynda maýsymdyq jańbyrdan keminde 50 adam qaza tapty, dep habarlady BBC Talıban bıligine silteme jasap. 

Associated Press agenttigi provıntsııanyń tabıǵı apattardy joıý keńsesiniń dırektoryna silteme jasap habarlaǵandaı, sý tasqyny sonymen qatar birneshe aýdanda úıler men múlikterge zaqym keltirgen.

«Kóz jumǵandar sany artýy múmkin, óıtkeni iz-túzsiz ketkender óte kóp» deıdi dırektor.

Tabıǵı apattardy basqarý mınıstrligindegi talıban ókiliniń aıtýynsha, sý tasqyny Kabýlǵa da áser etken. 

Zardap shekken aımaqtarǵa azyq-túlik jáne ózge de kómegi bar qutqarý toptary jiberilgen.

Aıta keteıik, sáýirde tolassyz jaýǵan jańbyr men sý tasqyny el boıynsha kem degende 70 adamnyń ómirin qıǵan edi.