Aýǵanstanda teraktiden 10 adam qaza boldy
KABÝL. QazAqparat - Aýǵanstan shyǵysynda ornalasqan meshitte jankeshti jarylǵysh zatty iske qosty, dep habarlaıdy «QazAqparat» HAA «Anadoly» agenttigine silteme jasap.
Host provıntsııasyndaǵy terakt saldarynan 10 áskerı adam qaza taýyp, taǵy 15-i jaralanǵan.
Host gýbernatory ákimshiliginiń baspasóz hatshysy Taleb Mangaldyń aıtýynsha, jankeshti Aýǵanstan armııasynyń 1-brıgadasy qolbasshylyǵynyń aýmaǵyndaǵy meshitte ózin jaryp jibergen.
Jaralanǵandardyń keıbiriniń jaǵdaıy aýyr. Terakt úshin jaýapkershilikti eshbir uıym ázirge óz moınyna almady.
