Aýǵanstanda tanymal telejýrnalısti óltirip ketti
ASTANA. Qyrkúıektiń 6-sy. QazAqparat - Aýǵanstanda tanymal telejýrnalıst, Ulttyq jýrnalıster qaýymdastyǵy basshysynyń orynbasary Saıed Hamıd Nýrı qaza tapty, dep habarlady «Azattyq» radıosynan.
Aýǵan polıtsııasynyń aqparaty boıynsha, 45 jastaǵy jýrnalıstiń pyshaqtalǵan denesi keshe túnde Kabýl irgesindegi onyń úıiniń janynan tabylǵan. Taǵy bir málimetter boıynsha, máıit bassyz bolǵan.
Mert bolǵan jýrnalıst aýǵannyń RTA memlekettik telearnasynda baǵdarlama júrgizgen. Saıası qyzmetpen aınalysqan ol Aýǵanstan Prezıdenti Hamıd Karzaıdyń qarsylastaryna jaqyn bolǵan degen derek bar.
