Aýǵanstanda tálipter áıelderge radıodan habar taratýǵa tyıym saldy

ASTANA. KAZINFORM – «Talıban» radıkaldy qozǵalysy qurǵan Aýǵanstan úkimetiniń sheneýnikteri Qandagar provıntsııasynda radıodan áıelder daýysyn taratýǵa tyıym saldy. Bul týraly Aýǵanstan jýrnalıster ortalyǵy (AFJC) bıliktiń málimdemesine súıene otyryp habarlady, dep jazady TASS.

– Radıoda áıelder daýysynyń dybystalýyna qatań tyıym salynady, sonymen qatar oıyn-saýyq baǵdarlamalary kezinde áıelderdiń habarlamalar jarııalaýyna tyıym salynady, – delingen habarda.

Sondaı-aq qujatta barlyq radıostantsııa qyzmetkerlerinen provıntsııada reportaj daıyndaý úshin jergilikti bılikten arnaıy ruqsat alý talap etiletini atap ótildi.

Buǵan deıin el astanasy Kabýlde ornalasqan Radio Begum – áıelder basqaratyn jáne áıelderdiń bilim alýyna baǵyttalǵan radıostantsııa jumysy toqtatylǵanyn jazǵan edik.

Sondaı-aq, Talıbannyń izgilik mınıstri Halıd Hanafıdiń áıelderge tek er adamdarmen ǵana emes, bir-birimen de qoǵamdyq oryndarda sóılesýge tyıym salǵan.