Aýǵanstanda tálibter 8 jasar balany darǵa asty
ASTANA. 26 shilde. QazAqparat - Aýǵanstannyń Gılmend ýálaıatynda «Talıban» sodyrlary adam aýzy barmaıtyn aıýandyqqa bardy - olar 8 jasar balany darǵa asty,
dep habarlaıdy RBK agenttigi.
Sodyrlar osylaısha olardyń talaptaryn oryndaýdan jáne olarǵa polıtsııa kóligin berýden bas tartqan balanyń ákesinen, polıtsııa qyzmetkerinen kek alǵan.
Juma kúni jergilikti bazardan urlanǵan balanyń denesi Gereshk ýezinde tabylyp otyr.
Aýǵanstan Prezıdenti Hamıd Karzaı tálibterdiń bul qylmysyn úzildi-kesildi aıyptap, «mundaı qylmysty birde bir mádenıet, birde bir din aqtamaıtynyn» málim etti. Prezıdent kinálilerdi tezirek taýyp, qamaýǵa alý týraly buıryq berdi.
