Aýǵanstanda sý tasqyny saldarynan 30 adam opat boldy
NUR-SULTAN. QazAqparat – Aýǵanstannyń shyǵysyndaǵy Charıkar qalasynda (Parvan provıntsııasynyń ákimshilik ortalyǵy) tolassyz jaýǵan nóser jańbyr saldarynan kem degende 30 adam qaza tapty. Bul týraly QazAqparat France-Presse agenttigine silteme jasap habarlaıdy.
Óz kezeginde, TOLOnews telearnasy provıntsııada bolǵan dúleı apattan 25 adam qaza taýyp, 60 adam zardap shekkenin habarlady. Onyń málimetinshe, qaza tapqandardyń kóbi – áıelder men balalar.
