Aýǵanstanda sońǵy táýlik ishinde 55 tálib óltirildi
ASTANA. 18 qyrkúıek. QazAqparat - Aýǵanstanda sońǵy táýlik ishinde 55 tálib óltirildi. Sonymen qatar 37 sodyr jaraqattanyp, 18-i tutqynǵa alyndy. Bul týraly Ýtro.rý atalǵan eldiń Іshki ister mınıstrligine silteme jasap habarlady.
«Aýǵanstannyń ulttyq polıtsııasy, armııa, ulttyq qaýipsizdik basqarmasy koalıtsııa kúshterimen birlesip, Balh, Badahshan, Kýnar, Nangarhar, Zabýl, Ýrýzgan, Logar, Paktııa, Gılmend, Kapısa jáne Gerat ólkeleriniń aýmaǵynda sońǵy 24 saǵattyń ishinde 55 qarýly tálibti óltirip, 37-sin jaraqattap, tazalaý operatsııasyn júrgizdi», - delingen habarlamada.
Operatsııa nátıjesinde qarý-jaraq pen kıim-keshek aldyndy. Sonymen qatar 14-ke jýyq túrli jarylǵysh qurylǵylar zalalsyzdandyryldy.
