Aýǵanstanda sońǵy eki aptada 104 adam sýyqtan qaıtys boldy
KABÝL. SINЬHÝA - QazAqparat – Aýǵanstanda sońǵy eki aptada qalyń qar men aıazdan 104 adam qurban boldy, dep málim etti Aýǵanstannyń Tabıǵı apattar men gýmanıtarlyq máseleler mınıstrliginiń ókili Shafıýlla Rahımı.
Bul týraly QazAqparat Qytaıdyń Sınhýa agenttigine silteme jasap habarlaıdy.
Shafıýlla Rahımı jergilikti buqaralyq aqparat quraldarynyń ókilderine Tahar, Badahshan, Nımroz, Kandagar, Lagman, Gaznı, Ýrýzgan, Djaýzdjan, Sarı-Pýl, Farıab, Paktık, Balhe, Samangan, Bamıan qalalary men eldiń ózge de birqatar aımaǵynda balalar men áıelderdi qosa alǵanda aıaz saldarynan sońǵy eki aptada 104 adamnyń qurban bolǵanyn málim etti.
Aýǵanstanda jylytý júıesi joq, sondyqtan turǵyndar jylyný úshin kóbine kómir, aǵash pen suıytylǵan gazdy paıdalanady jáne elde gazdan ýlanyp, kómirqyshqyl totyǵynan qaıtys bolý jaǵdaılary jıi bolyp turady.
Aýǵanstanda qańtar aıynyń basynan-aq kún qatty sýytyp, qalyń qar jaýdy. Keı aýdandarda aýa temperatýrasy 30 gradýs Tselsıge deıin tómendedi.
