Aýǵanstanda sodyrlar 8 jasar balanyń kómegimen lańkestik áreket uıymdastyrdy
ASTANA. 27 maýsym. QazAqparat - Aýǵanstannyń ońtústigindegi Ýrýzgan ýálaıatynda bomba jarylysynyń saldarynan 8 jasar qyz bala qaza tapty.
Sodyrlar balany «tiri bomba» retinde paıdalanǵan bolyp shyqty, dep habarlaıdy RBK agenttigi.
Eldiń ishki ister mınıstriniń aıtýynsha, sodyrlar qyz balanyń qolyna ishine jarylǵysh zat salynǵan túıinshekti ustatyp, ony polıtsııa ýchaskesine aparyp berýdi talap etken. Eshteńeden kúdiktenbegen bala dorbany polıtseılerge aparyp bergen.
Bomba qashyqtyqtan basqarý júıesiniń kómegimen iske qosylyp, lańkestik árekettiń saldarynan qyz bala qaza tapqan. Basqa kisi qurbandyǵy joq.
Esterińizge sala keteıik, osynyń aldynda Aýǵanstannyń Qundyz ýálaıatyndaǵy Hanabad eldi mekeninde iri lańkestik áreket oryn aldy. Velosıpedke mingen jankeshti adam kóp jınalǵan bazardyń ortasynda ózin-ózi jaryp jiberip, oqıǵa saldarynan 10 adam qaza tapty. Taǵy 24 adam túrli jaraqatpen aýrýhanaǵa tústi, olardyń qatarynda bes áıel jáne bir polıtsııa qyzmetkeri bar.
