Aýǵanstanda saılaý ýchaskesinde jarylys boldy
KABÝL. QazAqparat - Aýǵanstan astanasy Kabýlda jarylys saldarynan 15 adam qaza boldy. Jarylǵysh zat Haır Hane aýdanyndaǵy saılaý ýchaskeleriniń birinde iske qosylǵan, dep habarlaıdy QazAqparat Anadoly agenttigine silteme jasap.
Aýǵanstan Іshki ister mınıstrliginiń ókili Nasrat Rahımıdiń aıtýynsha, jarylysty jankeshti lańkes jasaǵan. Saldarynan 15 adam mert bolyp, kem degende 60-y jaraqattandy.
Jarylys úshin jaýapkershilikti uıymdardyń eshbiri ázirge óz moınyna alǵan joq.
Aıta keteıik, búgin Aýǵanstanda parlamenttik saılaý ótip jatyr.
