Aýǵanstanda prezıdenttikke úmitker shtabynyń eki qyzmetkerin atyp ketken
ASTANA. QazAqparat - Aýǵanstandaǵy prezıdentikke úmitkerlerdiń biri Abdýlla Abdýllanyń saılaý shtabynyń eki qyzmetkerin belgisiz bireýler atyp ketken, dep habarlaıdy Bı-Bı-Sı jergilikti polıtsııanyń málimetterine silteme jasap.
Oqıǵa eldiń batys provıntsııasy Geratta oryn alǵan. Belgisiz bireýler saılaý shtabynyń basshysy men bir qyzmetkeri keńseden shyǵyp kele jatqan kezde olarǵa oq atqan. Ázirge bul iske qatysty jaýapkershilikti eshkim moınyna alǵan joq.
2 aqpan kúni Aýǵanstanda saılaý naýqany resmı túrde bastaldy. Sáýir aıynda ótetin prezıdent saılaýyna barlyǵy 11 úmitker qatysady.
