Aýǵanstanda prezıdenttik jáne mýnıtsıpaldyq saılaý aıaqtaldy
ASTANA. QazAqparat - Aýǵanstanda prezıdenttik jáne mýnıtsıpaldyq saılaý aıaqtaldy. Eń basty problema tálipterdiń qarsylyǵy emes, nóserlete quıǵan jańbyr men bıýlletenderdiń jetispeýi boldy.
Aýa raıynyń qolaısyzdyǵyna baılanysty saılaý ýchaskeleriniń jumysy bir saǵatqa uzartyldy.
Sarapshylardyń pikirinshe, bir de bir úmitker alǵashqy týrda jeńiske qajetti 50 paıyzdy jınaı almaıdy. Mundaı jaǵdaıda 28 mamyrǵa belgilenip otyrǵan ekinshi týr ótýi tıis. Onda eki kandıdat baq synaıdy. Eń kóp daýys jınaǵany el tizginin qolǵa alady, dep habarlaıdy ITAR-TASS.
