Aýǵanstanda prezıdenttik saılaýdyń ekinshi týry maýsymǵa belgilendi
ASTANA. QazAqparat - Aýǵanstanda prezıdenttik saılaýdyń ekinshi týry ótedi. Osy eldegi saılaý komıssııasynyń habarlaýynsha, daýys berý 14 maýsymǵa belgilenip otyr.
Atap aıtqanda, ótken aıdaǵy saılaýda kandıdattardyń eshqaısy da aıqyn basymdyqqa qol jetkize almady.
Saılaýdyń ekinshi týryna Syrtqy isterdiń eks-mınıstri Abdýlla Abdýlla ótti. Ol birinshi týrda 45 paıyz daýys jınaǵan edi. Sonymen qatar prezıdenttikke burynǵy qarjy mınıstri Ashraf Ganı úmitker atanyp otyr. Saılaýdyń birinshi kezeńinde oǵan saılaýshylardyń 31, 6 paıyzy daýys bergen bolatyn.
Aýǵanstannyń jańa kóshbasshysynyń esimi tamyzdyń basynda belgili bolady dep kútilýde.
