Aýǵanstanda pákistandyq rýpıı boıynsha ishki kelisimderge tyıym salý usynyldy
ÁBÝ-DABI. QazAqparat - Aýǵanstandaǵy Kandagar provıntsııasy polıtsııasynyń basshysy Aýǵanstan aýmaǵynda pákistandyq valıýtany paıdalanýǵa tyıym salatyn zań qabyldaýdy usyndy.
Qazirgi tańda pákistandyq rýpıı Aýǵanstannyń jeke aýdandarynda aqsha retinde paıdalanylýda. Aýǵanstan valıýtasy «afganıdiń» rólin arttyrý maqsatynda bılik pákistandyq rýpııdiń jergilikti bazarlar men kásiporyndarda paıdalanylýyna qarsy sharalar qabyldaý múmkindigin qarastyrýda.
Máselen, Kandagar provıntsııasyndaǵy polıtsııanyń shtab-páteri kásipkerlerge tıisti erejeni buzbaýdy eskertti.
«Pákistandyq rýpııdi paıdalanýǵa salynǵan tyıym Kandagarǵa kórshi provıntsııalardan keletin barlyq bıznesmenderge qatysty. Olar ishki operatsııalarda aýǵan valıýtasyn paıdalanýy tıis» - dedi aýǵandyq provıntsııanyń polıtsııa bastyǵy Abdýl Razık.
Kabýlda aıyrbastaý pýnktteriniń ıeleri pákistandyq rýpııdiń óz elinde quny tómen bolǵandyqtan aýǵan bıznesmenderine kórshi eldiń valıýtasyn paıdalaný tıimdi emes ekenin aıtady.
Jergilikti naryqta ulttyq valıýtany paıdalaný kórsetkishi ósken kezde afganı quny sheteldik valıýtaǵa qatysty nyǵaıdy.
