Aýǵanstanda NATO-nyń áskerı tikushaǵy qulap, bes adam qaza tapty
ASTANA. QazAqparat - Aýǵanstan astanasy Kabýlda NATO-nyń tikushaǵy qulap, saldarynan kem degende bes adam ajal qushty jáne bes adam zardap shekti, dep habarlady Bı-bı-sı.
Tikushaq Resolute Support NATO mıssııasynyń bazasyna qonar kezde qulaǵan.
Kóz jumǵandardyń ishinde - brıtanııalyq ÁÁK eki áskerıi bar, dep habarlady Brıtanııanyń qorǵanys mınıstrliginen.
"Oqıǵaǵa qatysty tergeý júrip jatyr, alaıda bul oqıǵanyń kóterilisshilermen esh baılanysy joq ekenin rastaı alamyz", - dep habarlady vedomstvoda.
Resolute Support NATO mıssııasyna 42 eldiń 13 myńnan astam áskerıi qatysyp jatyr. Mıssııa maqsaty aýǵan qaýipsizdik kúshterin oqytý jáne oǵan kómektesý.
