Aýǵanstanda NATO konvoıynyń kúzetshileri qaza tapty
ASTANA. Qazannyń 18-i. QazAqparat - Aýǵanstannyń ońtústigindegi Gelmend ýálaıatynda NATO konvoıyna ilesken kúzetshilerge shabýyl jasaldy. Oqıǵa saldarynan toǵyz adam opat boldy. Jergilikti polıtsııa ókilderiniń naqtylaýynsha, qaza bolǵandardyń barlyǵy Aýǵanstan azamattary bolǵan, dep habarlaıdy Associated Press.
Esterińizge sala keteıik, búgin osy oqıǵanyń aldynda fýgas jarylysynan aýǵandyq úsh beıbit azamat qaza tapqan edi. Jergilikti polıtsııa qyzmetkerleriniń habarlaýynsha, bomba jol boıyndaǵy aryqtardyń birinde qaptyń ishine jasyrylǵan bolyp shyqty. Saperlar álgi kúdikti zatty teksermek bolǵan kezde jarylys bolǵan, olardyń bireýi jaralanǵan, úsh beıbit azamat qaza bolǵan.
Sońǵy kezde mundaı oqıǵalar bul óńirde jıilep otyr, sebebi NATO kúshteri men aýǵandyq jasaqtar ekstremısterdi Qandaǵar men onyń tóńiregindegi strategııalyq mańyzdy aýmaqtardan yǵystyrýǵa tyrysýda.
