Aýǵanstanda mototsıkl shabandozy bir top sportshynyń ómirin qıdy
ASTANA. 24 qańtar. QazAqparat - Aýǵanstannyń shyǵysyndaǵy Lagman provıntsııasynda mototsıkl mingen sodyr krıket oıynshylary tobyna oq jaýdyryp, bes adamnyń ómirin qıdy.
Ázirge osy oqıǵaǵa jaýapkershilikti eshkim de óz moınyna alyp otyrǵan joq. Provıntsııa bıligi bul shabýyldy tálibter uıymdastyrýy múmkin ekenin aıtýda. Sebebi olardyń basqarýy kezinde sporttyq sharalarǵa qatysqandar qatań jazalanǵan kórinedi.
Aýǵanstan Prezıdenti Hamıd Karzaı beıbit turǵyndardyń ólimine jaýaptylardy qatań synǵa aldy.
Sonymen qatar beısenbi keshqurym Gılmend ońtústik provıntsııasynda polıtsııa 30 jasar Nýrahmad Nýrı esimdi jýrnalıstiń múrdesin tapty. Ol jergilik radıoda qyzmet jasaǵan eken.
