Aýǵanstanda meshittegi jarylystan qurban bolǵandar sany 29 adamǵa jetti
ASTANA. QazAqparat - Aýǵanstannyń soltústik batysynda Gerat qalasyndaǵy meshitte bolǵan jarylystan qurban bolǵandar sany 29-ǵa jetti. Taǵy 60-tan astam adam zardap shekken. Bul týraly bılik ókilderine silteme jasap jergilikti Tolo News telearnasy jarııalady.
Osyǵan deıin 15 adamnyń qurban bolǵany týraly habarlanǵan.
Oqıǵaǵa baılanysty taratylǵan málimetterde jankeshti terrorıstiń meshitke kirip kelip, onda kelýshilerge oq jaýdyrǵany aıtylady. Budan sol terrorıst jarylǵysh zatty iske qosqan.
6 maýsym kúni Geratta meshit janynda bolǵan jarylystan 7 adam mert bolyp, 15-i jaraqat aldy. Bomba XII ǵasyrǵa jatatyn Djama Masdjıd meshitiniń janyndaǵy turaqqa qoıylǵan mototsıklge jasyrylǵan bolyp shyqty. Jarylǵysh zat dindarlar turaq janynan ótip bara jatqanda iske qosylǵan.
24 shilde kúni Aýǵanstan astanasy Kabýlde negizinen sheıitter turatyn aýdanda jarylys bolǵan edi. Ol kezde 24 adam mert bolyp, 42-si jaraqat aldy.
