Aýǵanstanda memlekettik basqarýdyń tıimdi júıesi qurylmaǵany alańdatady - UQK
«Bizge kelip túsken aqparat ShYU-ǵa múshe memleketter úshin lańkestik qaterler boıynsha qorytyndy jasaýǵa múmkindik beredi. Aýǵanstannyń lańkestik áleýeti áli de joǵary bolyp otyr. 2021 jyly Aýǵanstanda bılikke kelgen «Talıban» qozǵalysy (Qazaqstanda tyıym salynǵan - red.) memlekettik basqarýdyń tıimdi júıesin quryp, qaýipsizdikti qamtamasyz ete almady. Bul el halyqaralyq terrorıstik toptar úshin negizgi ortalyq bolyp qala beredi. 50-ge jýyq lańkestik shabýyldan 350-den astam adamnyń ómiri qıyldy, odan bólek 700-den astam adam jaralandy. «Vılaıat Horasan» Islam memleketi halyqaralyq terrorıstik uıymy (Qazaqstanda tyıym salynǵan IG bólimi - red.) áleýetiniń artýy zor qaýip tóndiredi», - dedi Rýslan Seısembaev elordada ótip jatqan ShYU otyrysynda.
Sondaı-aq, spıker osy ýaqyt ishinde olardyń sany 500-den 6 myńǵa deıin jetkenin aıtty.
«Vılaıat Horasan» (Qazaqstanda tyıym salynǵan IG bólimi - red.) Reseı men Pákistannyń dıplomatııalyq mıssııalaryna shabýyl jasady. Kabýl qonaq úıinde Qytaı azamattary atyldy. Úkimettik emes uıym basshylary tek AQSh-qa ǵana emes, Qytaıǵa, Reseıge jáne Pákistanǵa da jıhad jasaýǵa shaqyrady. Sonymen qatar, Aýǵanstanda «Ál-Kaıda» (Qazaqstanda tyıym salynǵan - red.) ornalasqan, ondaǵy sodyrlardyń sany 500-ge jetedi. «Vılaıat Horasan» (Qazaqstanda tyıym salynǵan IG bólimi - red.) men «Ál-Kaıda» (Qazaqstanda tyıym salynǵan - red.) aýmaqtardyń bir bóligin ǵana basqarsa da, olar aýqymdy lańkestik shabýyldar jasaýǵa qabiletti», - deıdi UQK basshysynyń orynbasary.
Onyń aıtýynsha, bul jaǵdaı ShYU memleketteri aýmaǵyna asa qaýip tóndiredi.
«Aýǵanstandaǵy terrorıstik qaýiptiń joǵary deńgeıiniń saqtalýy ShYU keńistiginde eksporttaý yqtımaldyǵyn boljaýǵa múmkindik beredi. Bul jaǵdaı ShYU-ǵa múshe memleketterde barlaý, shekara jáne quqyq qorǵaý organdarynyń ózara is-qımyl jasaý ádisteriniń praktıkalyq nysandaryn jetildirýdi qajet etedi», - deıdi ol.
