Aýǵanstanda Logar provıntsııasy gýbernatorynyń kortejine shabýyl jasaldy
ASTANA. QazAqparat - Aýǵanstanda Logar provıntsııasynyń gýbernatory Anvar Ishakzaıdyń kortejine shabýyl jasalyp, kem degende jeti adam qaza tapqan. Bul týraly 1TV telearnasy habarlady.
Polıtsııanyń resmı ókili Shapýr Ahmadzaıdyń aıtýynsha, qaskóı gýbernatordyń avtokolonnasyna bomba qoıylǵan avtomobıldi baǵyttaǵan. Avtokolonna Kabýldan Logarǵa bara jatqan.
Ahmadzaıdyń aıtýynsha, provıntsııa basshysy aman.
Telearnanyń habarlaýynsha, shabýylǵa jaýapkershilikti «Talıban» radıkaldy qozǵalysy moınyna alyp otyr.
Foto: AP Photo / Rahmat Gul
